Motor City

Motor City er hrá, einstök og stílhrein hefndarsaga sem gerist í Detroit á áttunda áratugnum. John Miller (Alan Ritchson) missir allt þegar hann er svikinn og sendur í fangelsi fyrir glæp sem hann framdi ekki. Um leið og hann losnar hefst miskunnarlaus leit hans að hefnd, en leiðin þangað er vörðuð ofbeldi, ást og gömul sár.

Myndin er stútfull af adrenalíni og er borin uppi af sterkum leikurum og frábærri tónlist. Þess má einnig geta að myndin er nánast alfarið laus við samtöl og er því sagan sögð á brakandi ferskan máta með hasar, líkamstjáningu, músík og kröftugu myndmáli.

Skylduáhorf fyrir unnendur óvenjulegra hasarmynda og hefndarsagna. Ekki láta þessa fara fram hjá þér en hún verður sýnd aðeins einu sinni, að sjálfsögðu í AXL salnum.