Shrek Forever After 3D

Shrek á í tilvistarkreppu, honum finnst hann orðinn of venjulegur og hafi tapað tröllsleika sínum. Hann sem var vanur að hræða líftóruna úr þorpsbúum! Nú koma þeir bara hlaupandi og biðja hann um eiginhandaráritanir. Til að reyna að finna sig aftur gerir Shrek samkomulag við hinn lævísa Rumputuska og þegar það gengur ekki eftir fær Shrek að sjá hvernig veröldin væri ef hans nyti ekki við. Þá væri Asninn notaður til að draga kerru, Stígvélaði kötturinn væri latur og feitur kisi sem hefði bleika slaufu í stað sverðs og sjálfur Rumputuski væri einráður í konungsríkinu.